Bere ibilbide profesionaleko lehen lana oposizio bidezko barne-sendagile gisa egin zuen Madrilgo San Carlos Ospitalean, eta ondoren Santanderrera joan zen bizitzera. Bertan Valdecilla Ospitaleko barne-sendagilea izan zen 1940 eta 1946. urteen artean. Garai hartan barne-medikuntzako espezialitatea ikasi zuen, eta hipertentsioari buruzko doktorego-tesia egin zuen. Donostiara itzuli ondoren Barne-medikuntzako zerbitzuburu izendatu zuten, eta Ospitale Probintzialeko zuzendari (ondoren Gipuzkoako Ospitale izango zenekoa), bertan 1968. urtera arte egonez. Gipuzkoako Poliklinika martxan jartzeko lanetan parte hartu zuen beste sendagile gipuzkoar batzuekin batera.