COMGI

FUNDAZIOAREN LAGUNTZAILEAK:

Misioa

Gipuzkoako Sendagileen Elkargo Ofizialeko Fundazioaren izaera anizkoitza da, izan ere bere helburuak ongintza, laguntza, sanitate nahiz hezkuntza-mailakoak baitira, bere onuradunen oinarrizko premiarik behinenak asetzera bideratua dagoenez. Hezkuntza eta trebakuntza dira, hain zuzen ere, ni neu partaide naizen Elkargoaren Gobernu Batzorde honen eta, batik bat, buru naizen bertako Fundazioaren Patronatuaren funtsezko zutabeak.

Ondotxo dakigu etengabeko garapenean dagoen mundu honetan lanbide medikoak ere jarduteko modu diferenteak dituela, ikerketek dakartzaten prozedura bide ugariek erakusten diguten bezala. Horregatik, etengabeko trebakuntza ez da soilik aukera bat medikuentzat, baita obligazio bat eta behar bat ere gure ustean.

Elkargoa mediku gipuzkoar guztientzat ezagutzaren eta prestakuntzako berrikuntzaren egoitza izan dadin saiatzen da Fundazioa, eta langintza horretan elkargokide guztien eskura egongo diren ikastaro eta jardunaldi ugari sustatu ditu orain arte eta sustatzen jarraituko du aurrerantzean ere. Fundazioak bere gain hartuko du Elkargoaren prestakuntza eta trebakuntzako plangintza osoa eta hileroko buletinen bidez eta berariaz horretarako prestatutako jakinarazpenen bidez emango zaie plan horren berri elkargokideei, webgunean bertan eskainitako informazioaz gain.

Ikasketak, trebakuntza eta bikaintasun profesionala sustatu eta lehenesteko gogo horri esker, Fundazioak hainbat sari banatuko ditu urtez urte, eta sari horien bidez Medikuntzako ikasleen lana batetik, eta baita geure lanbide mediko honetan diharduten ikertzaile eta zabaltzaileen lana, bestetik, balioetsi nahi lirateke.

Gure taldeak, azken finean, trebakuntzako plan eta eskaintzen aukera zabala prestatu du elkargokide guztientzat, eta eskaintza horiek baliagarriak eta probetxuzkoak izatea nahi genuke.  Beharrezkoa da gogoraraztea ezen Elkargoaz kanpoko erakunde eta enpresen finantzazioari esker eskaintza horiek guztiak zuen eskura jartzeko modua izango dugula.

Fundazioak eskaintzen dituen helburuak, jarduerak eta zerbitzuak webgunearen ezkerraldeko zutabean agertzen diren ataletako bakoitzean kontsulta daitezke. Edonola ere, elkargokideek horretarako jarri dizkiegun tresnak baliatuz egingo dizkiguten galderak erantzuteko edo iradokizunak kontuan hartzeko konpromiso irmoa hartzen dugu.

Begoña Azkarate Ayerdi

Gipuzkoako Sendagileen Elkargoko Fundazioaren Presidentea

 

GOBERNU BATZORDEA

Gutxienez hiru eta gehienez zazpi kide izango ditu Fundazioko Patronatuak. Horietatik, erdiak baino bat gehiago Gipuzkoako Sendagileen Elkargo Ofizialeko Zuzendaritza Batzordeko kideak izango dira eta gainerakoak, berriz, Batzordekoak edo Batzordez kanpokoak. Lehendakaria, Idazkaria eta Diruzaina izateko Elkargoko Gobernu Batzordeko kidea izan behar daaldi berean.

Gaur egungo Patronatua honako kide hauek osatzen dute:

Lehendakaria:  Begoña Azkarate Ayerdi
Idazkaria:  Ion Iriarte Aseguinolaza
Idazkariordea:  Carlos Benito Gómez
Diruzaina:  Víctor Irigoyen Murua
Bokalak:  Miren Karmele Mujika Eizmendi
Bokalak:  Patxi Urbe Castelruiz
Geure eta hirugarrenen cookieak erabiltzen ditugu publizitate pertsonalizatua erakusteko, zure nabigazioaren arabera. Nabigatzen jarraitzen baduzu cookien erabilera onartuko duzu. Geio irakurri