COMGI

Jose Beguiristain Doktorea Saria

2021 OINARRIAK: JOSE BEGUIRISTAIN DK. SARIAREN 35. EDIZIOA

Jose Beguiristain Dk. Sariaren Patronatuak euskaraz aurkeztutako graduazio-amaierako lanetarako sariaren 35. ediziorako deialdia egin du. Hona hemen sariaren oinarriak:

  1. 2020-2021 ikasturtean Donostiako Medikuntza Fakultatean euskaraz aurkeztutako gradu amaierako lanak aurkeztu ahal izango dira dira, beti ere, aldez aurretik bikain bateko emaitza lortu badu. Epaimahaiak lanaren euskararen kalitatea baino ez du baloratuko eta sarituko.
  2. Ikasleak berak aurkeztuko du bere lana, eta, harekin batera, ebaluazio-data eta lanari emandako kalifikazioa zehazten dituen ziurtagiria aurkeztu beharko du, hezkuntza-unitateko arduradunak behar bezala sinatuta.
  3. Lanak Jose Beguiristain Dk. Sariaren Patronatura (Gipuzkoako Medikuen Elkargoa, Frantzia pasealekua 12, 20012 Donostia) iritsi beharko dira, 2021eko abenduak 31 baino lehen, formatu digitalean. Beraz, posta elektronikoz bidali ahal izango dira fundazioa@comgi.eus eta info@comgi.eus helbideetara, honako jarraibide hauek kontuan hartuta:
  • 3 fitxategi bidali beharko dira, ongi bereizita:
  • Lana, egilearen izena bertan agertu gabe.
  • Aparteko dokumentua, non egilearen izen-abizenak, helbidea, telefonoa eta posta elektronikoa agertuko baitira.
  • EHUren ziurtagiria, lanaren kalifikazioarekin.
  1. Jose Beguiristain Dk. Sariaren epaimahaia EHUko Euskara Zerbitzua izango da, eta haren epaia 2022ko ekainean emango da argitara, Gipuzkoako Sendagileen Elkargoaren Fundazioak ematen dituen gainerako sariekin batera.
  2. Epaimahaiaren erabakiak apelaezinak izango dira.
  3. Patronatuak 900 euroko sari ekonomikoa ezarri du, baina epaimahaiak egoki iritziz gero, bi lanen artean bana daiteke.
  4. Aurkeztutako lanak Patronatuaren jabetzan geratuko dira.
  5. Ez da inolako korrespondentziarik izango lehiaketa honi buruz.
  6. Lehiaketan parte hartzeak berekin dakar oinarri hauek erreserbarik gabe onartzea.
 
comgi.eus webgunean gure cookie propioak erabiltzen ditugu saioa hasteko eta besteenak bisiten analisia egiteko. Egin klik HEMEN informazio gehiagorako. Cookie guztiak onar ditzakezu "onartu" sakatuz edo horiei uko egin "baztertu" klikatuz