HELBURUAK
Urteroko diru-laguntza hauen helburua bikoitza da: nazioarteko kooperazio eta garapeneko proiektu eta egitasmo sanitarioei euskarri ekonomikoa ematea, batetik, eta xede gisa kooperazioa hartuta trebakuntzako egonaldiak egin edo horietan parte hartuko duten medikuei laguntzea, bestetik.
Kooperazio eta garapenerako laguntzak ematea da Gipuzkoako Sendagileen Elkargo Ofizialeko Fundazioak bere sorrerarik bertatik ezarriak dauzkan helburuetako bat. Eta zehazkiago esateko, “ikerketa medikoa sustatzea eta babesik gabekoei, premian daudenei eta hirugarren munduko biztanleei asistentzia eta laguntza mediko-sanitarioa emateko boluntarioek beharrezkoa duten bultzada eskaintzea, osasun-laguntza ematera jarriak dauden GKEekin batera esku hartuz”.
MUGA EGUNA: 2022ko maiatzak 15
2022KO OINARRIEN LABURPENA
Laguntza nork eska dezake?
Laguntza eskatzen duenak Gipuzkoan kolegiatutako medikua izan beharko du, eta Elkargoko kuota guztiak ordainduak eduki beharko ditu. Horrez gain, diru-laguntza eskatzen den irabazi asmorik gabeko erakundeko kide, bazkide edo laguntzailea izan beharko du.
Zeri emango zaio laguntza?
Osasuna ardatz duten eta 2022-2023an aurrera eramango diren lankidetza eta garapenerako proiektuei emango zaie laguntza. Deialditik kanpo gelditzen dira hegazkin-gastuak eta/edo lankidetza-proiektuetako banakako mantentze-gastuak ordaintzeko eskaerak.
Aurkeztu beharreko dokumentazioa:
> Izen-deiturak, elkargokide-zenbakia, emaila eta/edo telefonoa.
> Diru-laguntza zein kooperazio-proiektutarako eskatzen den azalduko duen memoria laburra. Honek barne hartu behar ditu:
- Erakundearen izena edo sozietate-izena
- Erakundearen xede eta helburuen azalpen laburra, eta orain arte burututako proiektuen laburpena.
- Laguntza eskatu den proiektuaren helburuak eta onuragarri izango diren pertsonak.
- Proiektuaren aurrekontu xehatua.
- Elkargoari eskatzen zaion diru kopurua.
> Eskaeragilea erakunde horretako kidea, bazkidea edo lankidea dela egiaztatzen duen dokumentua.
Elkargoko bulegoetan utzi edota email bidez bidal daiteke eskaera, ondorengo posta elektronikora:
cooperacion@comgi.eus
* Elkargoak beretzat gordetzen du beste edozein argibide osagarri eta espezifiko eskatzeko eskubidea.
Baldintzak
> Jasotzen diren proiektuak ebaluazio komite batek baloratuko ditu eta egokien jotzen dituen proiektuen artean banatuko ditu laguntzak.
> Laguntzen zenbatekoa komite honek erabakiko du. Baliteke eskatzaileak zehaztuta guztia ematea edo zati bat.
> Eskaeragile guztiek oinarri horiek betetzeko konpromisoa hartzen dute, eskaera egiten duten unean bertan.
> Diru-laguntza esleitu eta bi urteko epean erabili beharko da gehienez ere.
> Behin bi urteko epe hori bete ondoren, onuradunak dokumentu bat aurkeztu beharko du Elkargoko bulegoetan, eta bertan egindako gastu guztiak zehaztu beharko ditu, diru-laguntza gisa emandako zenbatekoraino. Ahalik eta faktura eta frogagiri gehien erantsi beharko dira dokumentu horretara.
> Fundazioaren Patronatuak uste badu justifikatu gabeko gastuak daudela, onuradunak justifikatu gabeko zenbateko horiek itzuli beharko dizkio Fundazioari.
> Oinarri hauetan ezarritakoa betetzen ez bada, deialdi berriak egiteko gaitasunik gabe geratuko da, eta diru-laguntzaren dirua itzuli beharko du.
> Proiektua/lankidetza amaitu ondoren, onuradunak Gipuzkoako Sendagileen Elkargoan urtero ospatzen den Lankidetzaren Egunean izandako esperientziaren azalpen eta argazki-memoria aurkeztu beharko du.
Irizpideak erantsitako dokumentuan kontsultatu ahal izango dituzue: