Tuberkulosiaren Aurkako Udal Batzarrak sustatutako zentro hau Uban zegoen. Emakumeei soilik bideratutako zentro honek 40 ohe zituen, eta 1912. urtean erregeek inauguratu zuten. Atsedena, elikadura egokia eta medikazioa eskaintzen zituen. Lorearen jaian lortutako dirua zentroa mantentzera bideratzen zen. 1930eko hamarkadaren hasieran Ongintza Batzordera transferitu zuten zentroa. Gerra Zibilean ospitale militar bilakatu zen, eta beranduago Laguntza Sozialeko Haurrentzako Etxea (1953. urtetik 1978.era).