Bere lehen sendagile-lanak San Antonio Abad Ospitale Zibilean egin zituen; Nuestra Señora de las Mercedes Klinikako zuzendaria izan zen. Hainbat liburu eta artikulu idatzi, eta hitzaldi ugari eman zituen. 1993. urtean EHUk Urrezko Domina eman zion Gipuzkoa unibertsitate-zentroz hornitzeko egindako lanarengatik (Ibaetako Campuseko eraikinetako batek bere izena hartu zuen). Gipuzkoako Sendagileen Elkargoko lehendakaria izan zen 1978. eta 1993. urteen artean.