Kirurgialari militar honek lan handia egin zuen Donostian. Ospitale Militarreko kirurgialaria izan zen, baita Nuestra Señora de las Mercedes Klinikakoa, Gurutze Gorriaren Ospitalekoa eta San Antonio Abad Ospitale Zibilekoa ere. 1936. urtean erietxe kirurgiko bat eraiki zuen, eta bere izena eman zion. Gerra Zibilean fronte desberdinetan egon zen. Gerra amaitu ondoren Donostiara itzuli zen, eta bertan Gipuzkoako Sendagileen Elkargoko lehendakari kargua izan zuen, besteak beste.