Aurrez San Frantzisko komentuak hartutako orubean eraiki zen Ongintza Etxeak Erruki Etxea eta Ospitale Zibila hartzen zituen barnean. Erruki Etxeak 200 adineko eta haur hartzeko gaitasuna zuen. 1887. urtean Donostiako udalak Ubako komentua erosi zuen, Loiola auzotik gertu, Erruki Etxean jasotako haurrak har zitzan. Erruki Etxeak eraikin berean jarraitu zuen harik eta 1910. urtean Zorroaga eta Tximitegi baserrien lursailetan Reina Victoria Babes Etxea eraiki zuten arte.