Medikuen Elkargoaren Batzar Nagusiak abenduaren 13an onartu zuen aurrekontuaren eta kontuen proposamena 2024rako. Era berean, elkargokide kuota eguneratzea ere onartu zen, izan ere, badira ia 5 urte azkenekoz gaurkotu zenetik (2019ko abenduan) eta egungo inflakzio testuingurua kontuan izanik kuota gaurkotzea onartu da.
2024ko urtarrilaren 1etik aurrera aplikatuko da igoera: elkargokide arrutaren kuota 5 euro igoko da; egoiliarren eta desgaitasuna dutenen kuota 2,5 euro eta ohorezko sendagilearen kuota 3 euro.
Honela, 2024rako elkargoko kuotak honako hauek izango dira:
- Elkargoko kuota: 69 euro hiruhilero
- Lizentziadun berrien kuota: 34,5 euro hiruhilero
- Desgaitasuna kuota: 34,5 euro hiruhilero
- Ohorezko medikuen kuota: 17 euro hiruhilero
- Babes Sozialerako Fundazioaren kuota: 25 euro
Elkargoko kuota zertarako balio du?
Elkargoaren kuota Elkargoaren diru-iturri nagusia da, eta honen helburu nagusia eguneroko jarduerari eta lan-taldeari eustea da, elkargokideak behar dituen zerbitzuetara sarbidea eduki dezan: arreta bulegoa, arreta birtuala, behar duen informazioa, aholkularitza juridikoa, aholkularitza fiskala eta abar.
Doan eskaintzen diren prestakuntza-jarduerak, bai eta beste jarduera asko, Elkargoaren Fundazioaren bidez antolatzen dira. Honek diru-iturri propioak ditu, AMA Aseguruak eta Bankoa Abanca patronoen parte hartzeari esker.