Elkargoko Areto Nagusia berritzeko proiektuaren aurkezpen-ekitaldira gonbidatzen zaitugu, baita hori onartzeko egingo den Ezohiko Batzarrera ere.
Proiektu hau diziplina anitzeko talde tekniko baten laguntzaz landu da azken ia bi urteetan eta gure ekitaldi-aretoa hobetzeko eta egokitzeko helburua du. Areto horrek 30 urte baino gehiago ditu eta ia ez da ukitu ere egin, beraz, badira hobetu beharreko gai asko: aireztapena, hezetasuna, aretoaren irisgarritasuna, argiztapena eta ikus-entzunezko alderdi teknikoak, harmailak eta besaulkiak... Proiektu honekin formakuntza eta bestelako ekitaldietara etorri diren elkargokideen partetik jasotako iradokizunei ere erantzungo zaie.
Berritzeko proiektua azaroaren 28an, asteartean, aurkeztuko da, arratsaldeko 19:00etan Elkargoan, eta, ondoren, Ezohiko Batzar bat egingo da abenduaren 5ean, elkargokideek proiektua onar dezaten.