Data: Maiatzak 15 / Ordutegia: 18:30 – 20:00
Garunaren Etxeak eta COMGI Fundazioak Garun emozionala hitzaldia antolatu dute maiatzaren 15ean, 18:30ean. Gizarteari zuzendutako saio horiek COMGI Fundazioak hainbat elkarterekin elkarlanean antolatzen duen Osasun Hezkuntzako Gelan sartzen dira, eta osasuna sustatzea dute helburu, baita osasun-arloko ikerketa eta berrikuntza herritarrei hurbiltzea ere.
Emozioak gogoaren grabitate-zentroa dira. Gizakiak oinarrizko sei emozio ditu: haserrea, beldurra, tristura, harridura, poza eta nazka. Ez dira ez positiboak ez negatiboak; inguruneari buruzko informazioa azkar eta modu seguruan ematea dute helburu, geneek bizirik irautea eta ondorengoei transmititzea bilatzen duen berehalako egokitzapena errazteko. Horregatik, unibertsalak dira, aurpegian adierazten dira eta aldaketa fisiologikoak izaten dituzte (pultsu eta arnasketa azeleratuak, begi-nini dilatatuak, azal tentetua eta muskulu uzkurtuak).
Oinarrizko emozio horiez gain, gizakiaren izaera sozialetik eratorritako emozio konplexuago ugari daude, hala nola errua, jeloskortasuna, lotsa, harrotasuna, miresmena, errukia edo inbidia. Eboluzio genetiko eta kulturalak mundu konplexu honetara eraman gaitu. Emozioek giza jokabidea erregulatzen dute sentimendu intimoenetatik erabakiak hartzeraino, eta gure helburuak lortzeko martxan jartzen gaituzte.
Hizlaria
Gurutz Linazasoro. Neurologoa. Terapia genikoetarako bektore biralak ekoizten dituen VIVE bioTECH SL konpainia bioteknologikoaren sortzaile eta presidente exekutiboa. Gipuzkoako Poliklinikako Parkinson eta Alzheimer Terapia Aurreratuen Programaren zuzendaria. Bertan, abangoardiako botikekin saiakuntza klinikoak egiten dituzte. Garun Etxeko zuzendaria. ASEBIOko Zuzendaritza Batzordeko eta Basque Health Clusterreko kidea.
Garunaren etxea irakurketarako, ikaskuntzarako eta ezagutza-trukerako gune bat da, batez ere neurozientzia, genetika eta zahartzea bezalako gaiei lotuta.
Metodologia
Hitzaldia aurrez aurre egingo da Medikuen Elkargoko ekitaldi-aretoan, eta streaming bidez parte hartzeko aukera egongo da, web mintegi formatuan.
- PRESENTZIALA: Ekitaldi-aretoan edukiera bete arte.
- ONLINE ZOOM bidez atzeratuko da. Eman izena online hitzaldirako esteka jasotzeko: IZEN-EMATEA