
Medikuen Elkargoaren Fundazioak Lankidetza Medikoaren Eguna ospatuko du datorren asteazkenean, abenduak 9, 18:00etan, garapen bidean dauden herrialdeetan lan egiten duten profesionalen lana aitortzeko eta milaka pertsonen osasuna eta bizitza hobetzen laguntzen duten proiektuak gertutik ezagutzeko.
Medikuntza kontsultetatik eta ospitaleetatik haratago doa. Konpromisoa, elkartasuna eta gehien behar den lekura iristeko borondatea ere bada. Espiritu horrekin, Medikuen Elkargoak 2026ko Lankidetza Medikoaren Eguna ospatuko du abenduaren 9an, garapen-bidean dauden herrialdeetan osasun-arreta hobetzeko ahaleginak egiten dituzten lankideen lanari ikusgarritasuna emateko hitzordua.
«Bokazio medikoak ez du mugarik: lankidetzarekin eta elkartasunarekin topaketa» lelopean, jardunaldiak aukera emango du zuzenean ezagutzeko Elkargoaren Fundazioaren laguntza ekonomikoari esker azken urtean lankidetza-proiektuak egin dituzten hainbat erakunderen lana.
Haien ordezkariek proiektu horien esperientziak, ekimenak eta emaitzak partekatuko dituzte, eta erakutsiko dute lankidetzak eta konpromiso medikoak aukerak sor ditzaketela eta pertsona askoren bizitza eraldatzen lagun dezaketela.
Elkartasun-lan hori aitortzeko eta bultzatzeko ere balioko du topaketak, 2026ko lankidetza-laguntzak erakunde onuradunei emanez. Erakunde horiek beren ekimenak tokian bertan garatzen jarraitu ahal izango dute.
Elkartasuna partekatzen eta eraikitzen jarraitzeko hitzordua
Ekitaldia arratsaldeko 18:00etan hasiko da Medikuen Elkargoko Urumea Auditorioan eta TEAMSen bidez jarraitu ahal izango da, bai aurrez aurre, bai online.
Bertaratzeko, aurrez izena eman behar da:
AURREZ AURREKOA – Beharrezkoa da izena ematea
ONLINE – TEAMS esteka honen bidez
Gainera, ekitaldia amaitzean, lunch bat partekatuko dugu, hitz egiteko, esperientziak trukatzeko eta bokazio bera dutenen arteko harremanak estutzen jarraitzeko espazio lasai bat: medikuntza elkartasunerako eta gizarte-eraldaketarako tresna bihurtzea.