COMGI

Presidentea

Ongietorria. Eskerrak eman nahi dizkizut Elkargoa eta sendagile nahiz Gipuzkoako biztanleen arteko komunikabide tresna hau erabiltzeagatik.

Elkargokide nahiz hiritarrek Elkargoaren lana ezagutu eta baloratzea da buru naizen taldearen helburuetako bat. 

Profesional guztiei irekita dagoen Gobernu Batzordea osatzen dugu. Gure indarrak batu eta ahalik eta lankidetza handienaz medikuntzako profesionalen alde egin nahi dugu, kalitatezko arreta medikoa bermatu eta sendagileekiko errespetua eta irudi ona hobetuz. 

Gipuzkoako Sendagileen Elkargoak, beste elkargo profesionalek egiten duten bezalaxe, medikuntzaren eta lanbide honetan jarduten dutenen babesa eta sustapena dauka bere helburuen artean. Baita alderdi zientifikoen babesa eta zabalkundea ere. 

Baina badu, baita ere, funtsezko helburu bat: herritarren babesa. Horregatik, gure Medikuntza Kode Deontologikoa zabaldu eta bete dadin lan egiten dugu. Herritar guztien osasuna babestea gure nahia eta gure betebeharra delako.

Hori da komunitatearen interesen defentsan egiten duguna. Eta horregatik aholkuak ematen dizkiegu herritarrei bizitza osasungarriagoa eraman dezaten. Gure lanbidearen jarduna ezarritako kode deontologiko horren barne mantendu dadin ere lan egiten dugu.

Egiten duguna ezagutarazteko, gure izaera eta jarduera jasotzen dituen web orri hau dugu. Era berean, Medikuen Ahotsa aldizkari digitala ere eskura duzu; bertan, maiz argitaratzen dira sendagileek idatzitakoak. Azkenik, sare sozialetan ere gure jarduera jarrai dezakezu. Tresna horiek guztiak eralbigarri suertatzea espero dugu eta galdera edota iradokizunak izanez gero prest gaude haiei erantzuteko. 

Manuel García Bengoechea

Presidentea     

comgi.eus webgunean gure cookie propioak erabiltzen ditugu saioa hasteko eta besteenak bisiten analisia egiteko. Egin klik HEMEN informazio gehiagorako. Cookie guztiak onar ditzakezu "onartu" sakatuz edo horiei uko egin "baztertu" klikatuz