SAIO PRESENTZIALA ETA ONLINE
Irailak 16, asteazkena, 18:00etatik 19:30era
Garunaren Etxeak eta COMGI Fundazioak Alzheimerra. Azken berriak hitzaldia antolatu dute irailaren 16an, 18:00tan. Gizarteari zuzendutako saio horiek COMGI Fundazioak hainbat elkarterekin elkarlanean antolatzen duen Osasun Hezkuntzako Gelan sartzen dira, eta osasuna sustatzea dute helburu, baita osasun-arloko ikerketa eta berrikuntza herritarrei hurbiltzea ere.
Alzheimerraren tratamendua une erabakigarria bizitzen ari da. Lehen aldiz, gaixotasunaren progresioa moteltzeko gai diren farmakoak daude hasierako faseetan dauden pertsonengan, eta dagoeneko baditugu diagnostiko goiztiarragoa egiten laguntzen diguten odol-analisiak. Aurrerapen horiek itxaropen-etapa berri bat irekitzen dute, baina erronka garrantzitsuak ere planteatzen dituzte terapia horiek nork balia ditzakeen eta terapia horiek eskuratzea nola bermatu jakiteko.
Hitzaldi honetan, azken ebidentzia zientifikoek zer dioten, Europan zer tratamendu onartu diren, Espainiako egoera zein den eta diagnostiko goiztiarra gaur egun inoiz baino garrantzitsuagoa zergatik den jakingo dugu. Adituen eskutik, alzheimerraren abordatzea nola aldatzen ari den eta gaixoek, haien familiek eta gizarteak gaixotasun baten aurrean zer espero dezaketen ulertzeko aukera.
Hizlaria
Gurutz Linazasoro. Neurologoa. VIVEbiotech SL enpresaren sortzailea eta kontseilaria. Gipuzkoako Poliklinikako Parkinson eta Alzheimerreko Terapia Aurreratuen Programaren zuzendaria. Garunaren Etxeko zuzendaria.
Garunaren etxea irakurketarako, ikaskuntzarako eta ezagutza-trukerako gune bat da, batez ere neurozientzia, genetika eta zahartzea bezalako gaiei lotuta.
Metodologia
Hitzaldia modu presentzialean eskainiko da Medikuen Elkargoko Urumea Auditorioan eta online modalitatean izena emateko estekaren bidez.
- PRESENTZIALA: Urumea Auditorioan edukiera bete arte.
- ONLINE: TEAMS bidez. IZEN-EMATEA