Deseskaladako 1. fasean sartzean eta martxoaren 24ko Agindua berariaz indargabetzen duen Eusko Jaurlaritzako Osasun Sailaren maiatzaren 5eko Agindua argitaratu ondoren, berretsi egiten da kontsulta medikoak ireki daitezkeela maiatzaren 9ko SND/399/2020 Aginduan ezarritako mugak, higiene- eta prebentzio-neurriak betez, ia berdinak baitira.
Alde azpimarragarri bakarrak honako hauek dira: alde batetik, orain pazienteak egon ahal izango dira itxarongelan, edukieraren okupazio-muga% 30ekoa izanik, bi metroko segurtasun-tarteari eutsiz; eta, bestetik, herritarrek Euskadiko edozein lekutara joateko aukera izango dute osasun-arrazoiak daudenean, eta egoitzaz bestelako udalerri batean dauden kontsultetara joan ahal izango dira.
Elkargoko Aholkularitza Juridikoak Zentroak irekitzeko gida eguneratu du, autonomia-erkidegoetako eta estatuko legeek ezarritako azken neurriak jasoz.