Eusko Jaurlaritzako Justizia Saileko Justizia Administraziorako Zuzendaritzak, Prozedura Zibilaren Legeko 341. artikuluan ezarritakoa betetze aldera, epaiketa judizialetan peritu edo aditu judizial gisa aritzeko prest egongo liratekeen mediku elkargokideen zerrenda igortzeko eskatu dio Sendagileen Elkargoari.
Horregatik, peritu bezala aritzeko apuntatu nahi duten mediku elkargokideei eskatzen zaie jakinarazi diezaiotela beren asmoa Sendagileen Elkargoari. Aurreko urteetan izena emanda zeudenek zerrendetan jarraituko dute.
Prozedura Zibilaren Legeko 342. artikuluan ezarritakoaren bidetik, epaitegiek deitu eta peritu gisa jarduteko izendatzen dituztenean, medikuek bete beharko duten prozedura ondorengoa izango da:
- Epaitegiak jakinarazpen bat bidaliko dio peritu gisa izendatutako medikuari.
- Izendapena onartzeko, izendatu duen Epaitegira joan edo bertan aurkeztu beharko du medikuak, ematen zaion epean; Legearen arabera 2 egunekoa da epea, baina Epaitegiari jakinaraziz gero, epe hori zabaldu daiteke.
- Epaitegira joan ondoren, espedientea ikusi eta peritu-txostena egiteko beharrezko dokumentazioa eskatu ahal izango da; ondoren, beharrezkotzat jotzen den gainerako dokumentazioa ere eskatu ahal izango da.
- Agerraldi horretan bertan edo hiru eguneko epean, bestela, zenbateko bat eskatu ahal izango da, peritazioa egiteagatik jasotzeko ordainsari gisa. Zenbateko hori behin betikoa izango da, edo aurrerapen bat besterik ez (funts-hornidura moduan).
- Peritu-txostena eskatu zuen alderdiari jakinaraziko zaio ordainsari gisa eskatutako zenbatekoa, eta epaitegiak ezarritako epean zenbateko hori kontsignatu edo zaintzan jarri beharko du epaitegiko kontu korrontean alderdiak.
- Perituak epaitegiko kontuan dagoen zenbateko hori entregatua izan dakiola eskatu ahal izango du; eta zenbateko hori kontsignatzen ez den kasuetan (alegia, epaitegiko kontuan ingresatzen ez den kasuetan), perituak aditu-txostena egiteari uko egin ahal izango dio.
- Perituari zenbatekoa kontsignatua edo ingresatua izan dela jakinarazten zaionean edo perituak zenbateko hori entregatua izan dakiola eskatzen duenean, aditu-txostena egiteko obligazioa izango du perituak.
Adierazitako prozedurari jarraituz, zenbateko bat eskatzea gomendatzen da (behin betiko zenbatekoa izan daiteke), peritu-txostena egin ostean egindako lana ordaindu gabe gera ez dadin.
Baja eman nahi dutenek, aldiz, idatziz jakinaraziko dute beren asmoa, Elkargoaren egoitzan kokatuak dauden bulego administratiboetan idatzi bat aurkeztuz edo posta elektronikoz (info@comgi.eus).
Perituen zerrendan izena emanda egon eta jarduera pribaturako perituen zerrendan egon nahi duten medikuek ere zerrenda horretan sartzeko eskaera jakinarazi beharko dute. “Jarduera pribaturako perituen zerrenda ", izaera pribatuko peritu txostenak egiten dituzten perituak, Medikuen elkargora eskatzen dutenei emango da.
Izena eman gabe egon eta peritu bezala aritu nahi duten elkargokideek idatziz edo posta elektronikoz (info@comgi.eus) eskatuko diote Elkargoari, eta Elkargoa arduratuko da ondoren Eusko Jaurlaritzako Justizia Saileko Justizia Administraziorako Zuzendaritzari jakinarazteaz.
Eskaera 2020ko urtarrilaren 31 baino lehen aurkeztu beharko da.